ഒ​ത്തു​തീ​ർ​പ്പി​നും ഭീ​ഷ​ണി​ക്കും വ​ഴ​ങ്ങി​യി​ല്ല;  പൊ​തു​സ്ഥ​ല​ത്തെ കൊ​ടി നീ​ക്കി​യ തൊ​ഴി​ലാ​ളി​യെ മ​ർ​ദി​ച്ച സി​ഐ​ടി​യു നേ​താ​വ് അ​റ​സ്റ്റി​ൽ; മ​ർ​ദ​ന​മേ​റ്റ കേ​ശ​വ​ൻ സി​ഐ​ടി​യു അ​നു​ഭാ​വി

പ​ത്ത​നം​തി​ട്ട: ഹൈ​ക്കോ​ട​തി നി​ര്‍​ദേ​ശം ന​ട​പ്പി​ലാ​ക്കു​ന്ന​തി​ന്‍റെ ഭാ​ഗ​മാ​യി ന​ഗ​ര​സ​ഭ​സെ​ക്ര​ട്ട​റി നി​ർ​ദേ​ശി​ച്ച​ത​നു​സ​രി​ച്ച് പൊ​തു​സ്ഥ​ല​ത്തെ കൊ​ടി നീ​ക്കി​യ ശു​ചീ​ക​ര​ണ വി​ഭാ​ഗം ജീ​വ​ന​ക്കാ​രെ മ​ർ​ദിച്ച സി​ഐ​ടി​യു നേ​താ​വി​നെ അ​റ​സ്റ്റ് ചെ​യ്തു. ന​ഗ​ര​സ​ഭ​യി​ലെ ശു​ചീ​ക​ര​ണ വി​ഭാ​ഗം ജീ​വ​ന​ക്കാ​ർ പ​ണി​മു​ട​ക്കി ന​ഗ​ര​സ​ഭാ ഓ​ഫീ​സി​നു മു​ന്പി​ൽ പ്ര​ക​ട​നം ന​ട​ത്തി​യ​തി​നു പി​ന്നാ​ലെ​യാ​ണ് പ​ത്ത​നം​തി​ട്ട പോ​ലീ​സ് കേ​സെ​ടു​ത്ത് അ​റ​സ്റ്റ് രേ​ഖ​പ്പെ​ടു​ത്തി​യ​ത്.

അ​റ​സ്റ്റി​ലാ​യ സി​ഐ​ടി​യു നേ​താ​വ് സ​ക്കീ​ർ അ​ല​ങ്കാ​ര​ത്തി​നെ പി​ന്നീ​ട് ജാ​മ്യ​ത്തി​ൽ വി​ട്ട​യ​ച്ചു.‌ബു​ധ​നാ​ഴ്ച പ​ത്ത​നം​തി​ട്ട​യി​ൽ സി​ഐ​ടി​യു ജി​ല്ലാ ക​മ്മി​റ്റി ഓ​ഫീ​സ് ശി​ലാ​സ്ഥാ​പ​ന​ത്തോ​ട​നു​ബ​ന്ധി​ച്ച പൊ​തു​സ​മ്മേ​ള​നം ന​ട​ന്ന ടൗ​ൺ സ്ക്വ​യ​ർ ഭാ​ഗ​ത്തു കെ​ട്ടി​യ കൊ​ടി​തോ​ര​ണ​ങ്ങ​ളാ​ണ് ജീ​വ​ന​ക്കാ​ർ നീ​ക്കി​യ​ത്.

പൊ​തു​സ്ഥ​ല​ത്തെ കൊ​ടി​യെ സം​ബ​ന്ധി​ച്ച് ആ​ക്ഷേ​പം ഉ​യ​ർ​ന്ന​തോടെ ഇ​തു നീ​ക്കാ​ൻ ന​ഗ​ര​സ​ഭാ സെ​ക്ര​ട്ട​റി നി​ർ​ദേ​ശി​ക്കു​ക​യാ​യി​രു​ന്നു. കൊ​ടി നീ​ക്കു​ന്ന​തി​നി​ടെ ശു​ചീ​ക​ര​ണ വി​ഭാ​ഗം ജീ​വ​ന​ക്കാ​രനായ കേ​ശ​വ​നെ മർദി ക്കുകയും അ​ഴി​ച്ച കൊ​ടി​ക​ൾ തി​രി​കെ കെ​ട്ടി​ക്കു​ക​യും ചെ​യ്തു.

ഇതുസംബന്ധിച്ച് ബു​ധ​നാ​ഴ്ച ത​ന്നെ ജീ​വ​ന​ക്കാ​ർ സെ​ക്ര​ട്ട​റി​ക്കു പ​രാ​തി ന​ൽ​കി​യി​രു​ന്നു. ഇ​ത് പോ​ലീ​സി​നും കൈ​മാ​റി. മ​ർ​ദ​ന​ത്തി​ൽ പ്ര​തി​ഷേ​ധി​ച്ച് കോ​ൺ​ഗ്ര​സ് കൗ​ൺ​സി​ല​ർ​മാ​ര​ട​ക്കം ഇ​ന്ന​ലെ രം​ഗ​ത്തു​ വ​ന്നു.

ഇ​തി​നി​ടെ ഭ​ര​ണ​ക​ക്ഷി നേ​താ​ക്ക​ൾ ഒ​ത്തു​തീ​ർ​പ്പി​നു ശ്ര​മി​ച്ചെ​ങ്കി​ലും തൊ​ഴി​ലാ​ളി​ക​ൾ വ​ഴ​ങ്ങി​യി​ല്ല . 28 ശു​ചീ​ക​ര​ണ തൊ​ഴി​ലാ​ളി​ക​ളാ​ണ് ന​ഗ​ര​സ​ഭ​യി​ലു​ള്ള​ത്.

ജീ​വ​ന​ക്കാ​ർ നോ​ട്ടീ​സ് ന​ൽ​കി പ​ണി​മു​ട​ക്കി
ഇ​ന്ന​ലെ രാ​വി​ലെ ന​ഗ​ര​ത്തി​ലെ ശു​ചീ​ക​ര​ണജോ​ലി​ക​ളി​ൽനി​ന്നു വി​ട്ടു​നി​ന്ന ജീ​വ​ന​ക്കാ​ർ പി​ന്നാ​ലെ പ​ണി​മു​ട​ക്ക് നോ​ട്ടീ​സും ന​ൽ​കി. കേ​ശ​വ​നെ മ​ർ​ദി​ച്ച സ​ക്കീ​ർ അ​ല​ങ്കാ​ര​ത്തി​നെ​തി​രേ, കൃ​ത്യ​നി​ർ​വ​ഹ​ണം ത​ട​സ​പ്പെ​ടു​ത്തി​യ​തി​നു കേ​സെ​ടു​ത്ത് അ​റ​സ്റ്റ് ചെ​യ്യ​ണ​മെ​ന്നാ​വ​ശ്യ​പ്പെ​ട്ടാ​യി​രു​ന്നു പ​ണി​മു​ട​ക്ക്.

ന​ഗ​ര​ത്തി​ൽ പ്ര​ക​ട​ന​ത്തി​നു ശേ​ഷം പ്ര​തി​ഷേ​ധയോ​ഗ​വും ന​ട​ന്നു. മ​ത്സ്യത്തൊ​ഴി​ലാ​ളി ബോ​ര്‍​ഡ് അം​ഗ​വും സി​പി​എം കു​മ്പ​ഴ ലോ​ക്ക​ൽ ക​മ്മി​റ്റി അം​ഗ​വും മു​ന്‍ ന​ഗ​ര​സ​ഭാ കൗ​ണ്‍​സി​ല​റു​മാ​ണ് സ​ക്കീ​ര്‍ അ​ല​ങ്കാ​ര​ത്ത്. മ​ർ​ദ​ന​മേ​റ്റ കേ​ശ​വ​നും സി​ഐ​ടി​യു അ​നു​ഭാ​വി​യാ​ണെ​ന്നു പ​റ​യു​ന്നു. രോ​ഗികൂ​ടി​യാ​യ കേ​ശ​വ​നെ മ​ർ​ദി​ച്ച​തി​ൽ ജീ​വ​ന​ക്കാ​ർ​ക്കി​ട​യി​ൽ വ്യാ​പ​ക പ്ര​തി​ഷേ​ധ​മു​ണ്ട്.

ന്യൂ​റോ സം​ബ​ന്ധ​മാ​യി ത​ല​യു​ടെ സ​ർ​ജ​റി ക​ഴി​ഞ്ഞ ഭാ​ഗ​ത്താ​ണ് മ​ർ​ദിച്ച​ത്. നാ​ട്ടു​കാ​രു​ടെ​യും സു​ഹൃ​ത്തു​ക്ക​ളു​ടെ​യും സ​ഹാ​യ​ത്താ​ലാ​ണ് ശ​സ്ത്ര​ക്രി​യ​യ്ക്ക് ആ​വ​ശ്യ​മാ​യ പ​ണം ക​ണ്ടെ​ത്തി​യ​ത് . മ​ർ​ദന​മേ​റ്റ ഭാ​ഗ​ത്ത് വ​ലി​യ വേ​ദ​ന അ​നു​ഭ​വ​പ്പെടുന്ന​താ​യി കേ​ശ​വ​ൻ പ​റ​യു​ന്നു. പ​ത്ത​നം​തി​ട്ട ജ​ന​റ​ൽ ആ​ശു​പ​ത്രി​യി​ൽ ചി​കി​ത്സ തേ​ടി​യിരുന്നു.

താ​ത്കാ​ലി​ക ജീ​വ​ന​ക്കാ​ര​നാ​ണ് കേ​ശ​വ​ൻ. കേ​ശ​വ​നൊ​പ്പം സി​ഐ​ടി​യു പ്ര​വ​ർ​ത്ത​ക​ൻ കൂ​ടി​യാ​യ കു​ഞ്ഞു​മോ​ൻ എ​ന്ന തൊ​ഴി​ലാ​ളി​യു​മു​ണ്ടാ​യി​രു​ന്നു.ന​ഗ​ര​സ​ഭാ സെ​ക്ര​ട്ട​റി പ​റ​ഞ്ഞ പ്ര​കാ​ര​മാ​ണ് കൊ​ടി അ​ഴി​ച്ച​തെ​ന്നും അ​ല്ലെ​ങ്കി​ല്‍ കോ​ട​തി അ​ല​ക്ഷ്യ​ത്തി​ന് സെ​ക്ര​ട്ട​റി മ​റു​പ​ടി പ​റ​യേ​ണ്ടിവ​രു​മെ​ന്നും കേ​ശ​വ​ന്‍ പ​റ​ഞ്ഞു​വെ​ങ്കി​ലും സ​ക്കീ​ർ കൂ​ട്ടാ​ക്കി​യി​ല്ലെ​ന്ന് തൊ​ഴി​ലാ​ളി​ക​ൾ പ​റ​യു​ന്നു.